Finalizado o encontro desta tarde ante o Athletic Club B en Abegondo, o Dépor ABANCA tomarase un respiro mañá xoves.
As Nosas volven aos adestramentos este venres 3 de febreiro a partir das 10:30 no campo do Monte en San Tirso, de herba sintética, para adecuarse ás condicións das instalacións de Unbe, escenario do choque ante a SD Eibar deste domingo 5 de febreiro ás 12:00, correspondente á 19ª xornada en Primera Federación FutFem.
As futbolistas branquiazuis terán que presentarse en Abegondo ás 8:30 para acudir á sala de vídeo e ao ximnasio antes de saltar ao campo.
