Finalizado o encontro desta tarde-noite en ABANCA-RIAZOR, o cadro deportivista adéstrase de novo mañá xoves na Cidade Deportiva a partir das 10:30 horas.
Será unha xornada de recuperación para os titulares ante o CF Talavera de la Reina, e máis intensa para o resto do cadro.
O domingo 2 de outubro de novo haberá fútbol en ABANCA-RIAZOR, esta vez coa visita do San Fernando CD Insular (19:00 horas, TVG-2 e InSports.tv), en partido correspondente á 6ª xornada.
Co resultado de hoxe, Os Nosos suman 11 puntos e son cuartos na táboa, a 4 puntos do líder, o Córdoba CF, con pleno de vitorias até a data.
