Rubén Martínez, que onte recibiu a alta médica, é a principal novidade na lista 18 xogadores convocados por Cristóbal Parralo para o encontro de mañá domingo 19 de novembro (12:00 horas, Bein LaLiga) na Rosaleda ante o Málaga CF.
Causan baixa por lesión Juanfran, Carles Gil e Adrián López.
No adestramento desta mañá no Estadio ABANCA-RIAZOR, co fabrilista Edu Expósito, o equipo repasou a porta pechada accións de estratexia e realizou fútbol en espazo reducido, de alta intensidade.
Adestráronse á marxe Juanfran e Carles Gil, que se pasaron polas instalacións da Casa da Auga. Si completou a sesión Adrián López, aínda que este sen alta médica.
Os convocados viaxan esta tarde a Málaga segundo este plan de viaxe:
Sábado 18 Novembro
18:00: Saída do Aeroporto da Coruña con destino Málaga
19:00: Chegada aproximada a Málaga e aloxamento no Hotel Barceló Málaga
Domingo 19 Novembro
12:00: Málaga - Deportivo, na Rosaleda
16:15: Saída do voo de Málaga con destino ao Aeroporto da Coruña
17:15: Chegada ao Aeroporto da Coruña
Após o encontro, o cadro deportivista adestrarase de novo en Abegondo o luns 20 de novembro ás 10:30 horas.
