O Real Club Deportivo e a Televisión de Galicia chegaron este mediodía a un acordo para a retransmisión, en directo, de todos os partidos do Dépor en ABANCA-RIAZOR nesta temporada 2020-2021.
A TVG ofrecerá a emisión dos partidos a todos os Deportivistas e afeccionados ao fútbol a través da televisión dixital terrestre en todo o seu ámbito de cobertura, a través das plataformas dixitais nas que se ofrece a súa emisión e na súa páxina web para o seguimento desde calquera punto do planeta.
