RCD / NOVAS

Alberto Quiles ve a #ANOSAFORZA "ilusionada; e iso para nós é moi importante"

08/08/2021 23:01

Alberto Quiles foi elixido os medios de comunicación acreditados esta tarde como xogador MVP Estrela Galicia da LXXVI edición do Trofeo Teresa Herrera.

Na sala de prensa de ABANCA-RIAZOR, o dianteiro andaluz cre que "no primeiro tempo, sobre todo nos primeiros minutos, tivemos o control do partido, con moita posesión de balón. Faltounos chegar máis, tirar a porta. Logo eles ao final da primeira parte tiveron máis posesión, máis chegada. Fanche o gol, vas ao descanso perdendo 0-1. Na segunda metade empezamos moi ben, tendo a posesión, igual que o primeiro. Nun desaxuste noso, eles fano ben e meten o segundo. Tivemos máis profundidade. Chegou o noso gol, nunha boa xogada mete Miku. Faltounos empatar o partido".

Destacou a #ANOSAFORZA na bancada de ABANCA-RIAZOR: "Escoitábaselle cantar, animar. Víuselle ilusionada e iso para nós é moi importante porque sabemos a afección que ten este Club. Que estea connosco vai axudar moitísimo".

No campo, Quiles actuou primeiro por dentro, con Miku; e logo máis escorado a banda dereita. En calquera caso, di sentirse "cómodo. O que quero é xogar. Sempre que me dea o míster a oportunidade tentareino facer ben, sexa onde sexa. Non me importa xogar por dentro, arriba, de extremo dereita. Sentínme cómodo todo o partido".

Máis novas de: QUILES