Tres equipos de #ANOSACANTEIRA inician mañá mércores 12 de agosto os adestramentos en Abegondo con Fran á fronte como Director da canteira.
Ás 10:30 h. Juan Carlos Valerón toma as rendas do Fabril. Manuel Pablo será o segundo adestrador; Luis Fandiño, preparador físico; e Alberto Casal, preparador de porteiros.
O Xuvenil A estará dirixido, desde as 10:45 h. por Óscar Gilsanz. David Lagar (segundo adestrador), Fran Varela (preparador físico) e David Vidal (preparador de porteiros) completan o corpo técnico do conxunto que representará ao Club na División de Honra.
Finalmente ás 11:00 h. Álex Antón dirixirá o primeiro adestramento do Xuvenil B da Liga Nacional. Antonio Ventura exercerá de segundo adestrador e David Vidal, preparador de porteiros.
