O Real Club Deportivo incorpora a dous novos futbolistas para o Fabril.
Arturo Segado Muñoz (Andújar, 17 de abril de 1997), ocupa a demarcación de medio centro e formouse na canteira do Málaga até chegar ao Atlético Malagueño. Chega ao Fabril libre após militar no NK Istra 1961 de Croacia.
Pola súa banda Ignacio de Loyola Abeledo Rute (Huelva, 05 de xaneiro de 1996), xoga en posicións ofensivas polo costado esquerdo do campo e chega cedido até final de temporada. Pendente de superar as probas médicas, é propiedade do Nástic de Tarragona após formarse na canteira do Betis e pasar pola do Barça e Málaga.
