Este xoves 3 de xaneiro, varios xogadores e xogadoras do Deportivo e do Deportivo Abanca entregarán agasallos branquiazuis e, sobre todo, moita simpatía e agarimo aos nenos que ven obrigados a pasar estes días hospitalizados na Maternidade HM Belén ou aos recentemente nados. Esta visita, que se repite tradicionalmente cada Nadal, xa tivo a súa primeira metade coa que levou a cabo en vésperas de noiteboa ao Hospital Materno Infantil Teresa Herrera.
Así, a partir das 17:00 horas, xusto despois do adestramento e a comida en Abegondo, Cris, Laura, Miriam, David Simón, Vicente Gómez e Eneko Bóveda, pasaranse pola Maternidade HM Belén (rúa Filantropía, 3) para compartir uns minutos cos nenos ingresados neste centro hospitalario.
