Bóveda e Krohn-Dehli, novidades na lista do Dépor para o partido en Almería
Ao finalizar o adestramento desta mañá no campo 2 de Abegondo, Natxo González citou a 19 futbolistas para o partido de mañá luns 19 de novembro no Estadio dos Xogos Mediterráneos de Almería (21:00 horas, GOL e LaLiga 1|2|3 TV), correspondente á 14ª xornada en LaLiga 1|2|3.
Regresan Krohn-Dehli e Eneko Bóveda a unha citación da que caen de maneira forzosa Carlos Fernández, concentrado coa selección española sub-21; ademais de Borja Valle, sancionado; Pedro Sánchez, aínda sen alta médica; e Dubarbier, lesionado.
Na sesión de hoxe, após un quecemento e un exercicio de centros e remates, o técnico deportivista dispuxo un partido ao ancho do campo 2, de alta intensidade; e, para concluír, repaso de accións de estratexia.
Os convocados poñen rumbo este mediodía a Almería, segundo este plan de viaxe:
Domingo 18 de novembro 14:35: Saída do voo de Santiago con destino ao Aeroporto de Málaga 16:05: Chegada aproximada ao Aeroporto de Málaga e traslado en autocar a Almería 18:30: Chegada aproximada a Almería e aloxamento no hotel NH Almería
Luns 19 de novembro 21:00: Almería - Deportivo, no Estadio dos Juegos Mediterráneos
Martes 20 de novembro 10:00 (pendente de confirmación): Adestramento en Almería 17:30: Saída do voo do Aeroporto de Málaga con destino ao Aeroporto de Madrid - Barajas 19:40: Saída do voo do Aeroporto de Madrid-Barajas con destino ao Aeroporto da Coruña 20:40: Chegada aproximada ao Aeroporto da Coruña