César advirte do perigo do Athletic e en especial de Urzáiz
O central César e o porteiro Molina foron os dous futbolistas que
atenderon esta mañá aos medios informativos na sala de prensa da
Cidade Deportiva de Abegondo "O Mundo do Fútbol".
O defensor asturiano advirte do perigo do Athletic e tamén de Urzaiz,
"ao que sempre se lle deu ben xogar connosco". Recoñece César que
esta semana, xa sen competición copeira, "tivemos máis tempo para preparar o
partido táctica e fisicamente" e espera estrear a súa marcadora de goles nesta
tempada en San Mamés: "Os defensas temos que contribuír con cuantos máis
goles mellor e que mellor ocasión que Bilbao para estrearme". Respecto da
comida de onte que mantiveron o persoal co Presidente e o Consello de Administración,
César indicou que "sempre é positivo reunirse e pasar un
bo intre todos xuntos. Xa é unha tradición ademais realizala". Da mesma opinión
foi Molina: "Estivo moi ben", sentenciou o gardameta valenciano.
Onte, Augusto César Lendoiro pediu ao persoal que tratasen de evitar o
sufrimento da rolda previa da liga de Campións, é dicir, clasificarse
terceiros ou cuartos na liga española. Molina cre que "isto é normal que o
pediu". E César afirma que "debe ser o noso obxectivo. Nos últimos anos
estivemos ahi arriba, sempre nas primeiras posicións, o que demostra
que mantivemos unha gran regularidade".
A meta Molina manifestou estar á marxe da euforia que parece rodear
agora ao equipo tras a goleada ante o Real Zaragoza en Riazor: "Nós o
que temos que facer é traballar. Para esaxerar as cousas, tanto para ben como
para mal, xa estades vós, os medios de comunicación".