Cinco futbolistas quedaron esta mañá no ximnasio da Cidade Deportiva de Abegondo e non participaron co resto do grupo na única sesión de hoxe do primeiro equipo.
Así, Fayçal e Carles Gil realizaron un adestramento específico; Juan Domínguez sofre molestias cervicais; e Gerard Valentín, no tendón da pata de ganso esquerda, este pendente de avaliación médica nas próximas horas. O canteirán Óscar Pinchi está lesionado.
O adestramento de hoxe, baixo unha persistente choiva, consistiu nun traballo preventivo no ximnasio, un partido táctico, un roldo e, finalmente, un circuíto físico con remates a portería. Estiveron ás ordes de Pepe Mel os canteiráns Francis e Edu Expósito.
Mañá xoves 20 de xullo, o cadro está citado de novo na Cidade Deportiva de Abegondo ás 10:00 horas. Pola tarde (19:30 horas), o Dépor xogará o quinto amigable desta pretemporada. Será ante o Somozas (Terceira División) no campo Manuel Candocia das Somozas.
A directiva do club ferrolán fixou en 5 euros as entradas para o público.
