Cinco internacionais do Dépor ABANCA incorpóranse mañá ás súas seleccións nacionais
Teresa Abelleira, María Méndez, Kika, Gaby e Michelle Romero incorpóranse mañá luns ás súas respectivas seleccións nacionais.
Por conseguinte, todas elas non regresaron esta tarde á Coruña co resto da expedición do Dépor ABANCA.
Partidos amigables para España sub-20 en San Pedro del Pinatar
Teresa Abelleira e María Méndez foron convocadas pola selección española sub-20 para disputar unha serie de partidos amigables, incluído ademais un torneo '3 en 1' en categoría sub-19.
Na convocatoria estaba inicialmente tamén Athenea del Castillo, que se perde esta cita internacional por lesión.
As deportivistas concéntranse mañá luns 2 de marzo na localidade murciana de San Pedro del Pinatar.
O calendario de partidos, todos eles o Pinatar Arena Football Center, é o seguinte:
Selección sub-20 Mércores 4 de marzo 16:30: ESPAÑA - RUSIA Venres 6 de marzo 18:30: ESPAÑA - RUSIA
Selección sub-19 Domingo 8 de marzo Torneo 3 en 1 ESPAÑA - ESCOCIA ESPAÑA - BÉLXICA
Kika, Gaby e Michelle Romero disputan en Turquía 3 compromisos de preparación
As deportivistas Kika, Gaby e Michelle Romero foron convocadas pola Directora Técnica da selección de Venezuela, a italiana Pamela Conti, para unha concentración que terá lugar en Antalya (Turquía), desde mañá luns 2 ao mércores 11 de marzo.
Durante esta concentración están previstos 3 amigables, todos eles no Gold City Sport Complex, en Antalya, con este calendario:
Mércores 4 de marzo 11:00 (hora local, 9:00 en España): HUNGRÍA - VENEZUELA
Sábado 7 de marzo 15:00 (hora local, 13:00 en España): VENEZUELA - ROMANÍA
Martes 10 de marzo 18:00 (hora local, 16:00 en España): VENEZUELA - HONG KONG