Cristóbal Parralo escolle a 18 futbolistas, incluído Andone, para #ONOSODERBI
Con só Fede Cartabia de baixa médica, Cristóbal Parralo, técnico do RC Deportivo, escolleu a 18 futbolistas para #ONOSODERBI de mañá sábado 23 de decembro en Riazor (18:30 horas, Gol). Entre eles está Florin Andone, que regresa á convocatoria após perderse o encontro en Barcelona.
Os futbolistas convocados concéntranse esta noite ás 20:45 horas no Hotel Meliá María Pita.
Esta mañá, nun adestramento a porta pechada no Estadio, o primeiro equipo, cos fabrilistas Edu Expósito, One e Blas, realizou un partido táctico, con repaso de accións de estratexia; e, para concluír, fútbol en espazo reducido, de alta intensidade.
Após finalizar #ONOSODERBI, o cadro inicia as súas vacacións de Nadal. Os futbolistas están citados de novo en Abegondo o sábado 30 de decembro ás 17:00 horas.