Dezaoito institucións sociais gozaron da bancada solidaria do Estadio ABANCA-RIAZOR no Deportivo-Leganés da 15ª xornada de LaLiga.
Contra o conxunto madrileño as entidades beneficiarias foron: FADEMGA, Fundación INGADA, ASPRONAGA, Fundación ADCOR, Centro de Menores José de Calasanz, Fundación Érguete, Cáritas Interparroquial de A Coruña, Padre Rubinos, CASCO, Aclad, Terra Solidaria, Residencia El Buen Pastor, Aspace, Hogar Sor Eusebia, Colectivo Moucho, Remar, Down Coruña e Fundación Camiña Social.
A Bancada Solidaria de ABANCA-RIAZOR dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención ao Deportivista).
