Mañá xoves 20 ás 11:00 horas, nos despachos de billetes do Palacio dos Deportes de Riazor, poñense á venda as entradas para o partido de volta da final do playoff de ascenso a LaLiga Santander que se disputa no estadio de Son Moix o domingo 23 de xuño (21:00 horas, Movistar Partidazo).
As localidades estarán dispoñibles o xoves desde as 11:00 e até as 21:00 horas de maneira ininterrompida nos despachos de billetes do Palacio dos Deportes de Riazor. O venres venderanse na Oficina de Atención ao Deportivista (Estadio ABANCA-RIAZOR, avenida da Habana s/n) unicamente en horario de mañá, de 10:00 a 13:30 horas.
O prezo das localidades é de 25 euros. Con cada carné de socio poderanse adquirir un máximo de 2 entradas e será imprescindible mostrar o DNI dos destinatarios dos tickets ou unha fotocopia/imaxe dixital dos mesmos. Os peñistas poderán adquirir as súas entradas, como é habitual, a través da Federación de Peñas.
