Desde o xoves 4 de abril, a Oficina de Atención ao Deportivista despachará as entradas para o partido correspondente á 34ª xornada de LaLiga 1|2|3, que se disputará o sábado 13 no Estadio O Sadar a partir das 18:00 horas (Movistar Partidazo) ante o CA Osasuna.
O prezo de cada entrada é de 20 euros. Cada socio poderá adquirir un máximo de 2 localidades co seu carné, só 2 entradas por persoa en portelo, e será imprescindible mostrar o DNI do segundo destinatario dos tickets ou unha fotocopia do mesmo (o outro debe ser o propio socio que adquire as entradas).
Os billetes estarán á venda até o vindeiro xoves 11 ás 13:30, hora de peche ao mediodía da OAD. Até ese día despacharanse de 10:00 a 13:30 e de 16:30 a 19:00 de luns a venres. O sábado 6, día de partido fronte ao Rayo Majadahonda a venda trasládase ao Palacio dos Deportes de Riazor de 11:00 a 16:00 h.
Os peñistas deberán xestionar as súas entradas a través da Federación de Peñas.
