RCDeportivo RCDeportivo RCDeportivo
Skip to main content
GL
PORTADA

"Este ano coñecémonos máis. Iso vainos axudar moito", cre Emre Çolak

Emre Çolak manifestou na sala de prensa de Abegondo que os futbolistas "non estamos contentos" tras os dous primeiros partidos de Liga, coa derrota no Estadio ABANCA-RIAZOR ante o Real Madrid e o empate do pasado sábado no Ciutat de València.

Precisamente da última igualada ante o Levante, o internacional turco confesou que "despois do partido falamos sobre isto. Estamos a buscar unha solución".

O atacante deportivista apunta que Pepe Mel, tras o partido en Valencia, "estaba moi enfadado. Non é fácil meter goles fóra de casa. Despois de 0-2, sen querer, defendemos moito. Non puidemos comprender por que defendemos. Falamos sobre isto para solucionalo".

Tamén subliñou que no vestiario tratouse o tema da posesión do balón, claramente a favor do equipo granota: "Non puidemos telo moito. Eles tocaban. Eu toquei só dous ou tres veces o balón. Cando me chegue, vou xogar mellor".

Mostrou o seu desexo de que Lucas Pérez regrese ao Deportivo: "Oxalá que volva. É un xogador que coñece a liga, con moita calidade. Seguro que nos vai a dar moitísimo. Vai axudar moitísimo ao equipo e especialmente ao meu xogo. Vainos mellorar moito".

Emre asegura estar "con moita confianza. Podo xogar ou pode facelo outro compañeiro. Quero xogar todos os partidos, aínda que se hai rotacións, é decisión do míster. Temos un equipo mellor que o ano pasado", conclúe.

Nesta liña, cre que a diferenza está "nas fichaxes, especialmente Fede Cartabia, Fede Valverde, Bakkali, Adrián... Son xogadores novos que van marcar a diferenza. O ano pasado houbo moitas novas fichaxes, non nos coñeciamos moito. Este ano coñecémonos máis, no campo tamén. Iso vainos a axudar moito". "Non temos ningunha razón para non ter éxito", conclúe.

Aínda que está disposto a axudar en calquera parcela do campo e "facer o máximo posible para o equipo", lembra que "onde sinto máis cómodo é na mediapunta".

A poucos días para o peche de mercado, Emre Çolak, un dos futbolistas máis queridos polo deportivismo e gañador por exemplo a temporada pasada de varios premios ao 'Xogador Estrella do mes' segundo votación dos afeccionados, foi tallante: "Seguro que quedo no Dépor".