O Fabril segue sumando minutos de xogo de cara á nova temporada en 3ª RFEF, cuxo calendario se coñecerá mañá xoves 5 de agosto a partir das 18:00 horas.
Esta tarde, os pupilos de Óscar Gilsanz impuxéronse (2-0) en Abegondo ao Silva SD, outro rival da mesma categoría que os fabrilistas. Nacho e Mario foron os autores dos goles branquiazuis.
Primeiro tempo: Brais Suárez, Juan Rodríguez, Guille Bueno, Seydiba, Dani Barcia, Fabio, Nacho, Mario, Juan Cambón, Raúl e Padín.
Segundo tempo: Hugo Rios, Quique Teijo, Manu Berrocal, David Suárez, Juan Rodríguez, Brais Val, Víctor, Fabio, David Martínez, Javi Sanmartín e Urdiales.
A próxima cita para o Fabril será este sábado 7 de agosto ás 12:00 horas no campo principal de Abegondo fronte ao Racing Villalbés. Os lucenses caeron pola mínima ante o Deportivo (1-2) na Magdalena, en partido celebrado o pasado 28 de xullo.
O calendario de pretemporada do Fabril, que irá collendo forma nos próximos días, é o seguinte:
Fabril 4 (Nájera -2-, Padín e Quique) - SD Sofán 1
Fabril 2 (Nacho e Mario) - Silva SD 0
Fabril - Racing Villalbés, sábado 7 de agosto, 12:00 h., Abegondo
