Francis será operado o vindeiro xoves no Hospital HM Modelo da Coruña
O meta deportivista Francis Uzoho será operado o vindeiro xoves 14 de novembro no Hospital HM Modelo da Coruña polo traumatólogo do Club Rafael Arriaza da súa lesión no xeonllo esquerdo sufrida o pasado mes de outubro no partido amigable que a súa selección, Nixeria, disputou ante Brasil.
Francis, que está cedido esta temporada ao Omonoia FC de Chipre, chegou á Coruña a mediados desta semana para realizar o preoperatorio, ser intervido cirurxicamente e iniciar a continuación o seu proceso de recuperación.