Gaku adestrouse esta mañá por primeira vez co Deportivo tralo seu paso pola selección de Xapón.
Despois dunha longa viaxe desde Birmania de máis de 24 horas e de dous partidos case completos, un deles oficial, nunha marxe de 6 días, o internacional deportivista saltou ao céspede de ABANCA-RIAZOR esta mañá con todos os seus compañeiros pero só realizou carreira continua e o quecemento de rigor. A continuación, o centrocampista branquiazul retirouse aos vestiarios para seguir con tarefas de recuperación cos fisioterapeutas do primeiro equipo.
Tamén se adestraron á marxe do grupo Borja Valle, Somma, Nolaskoain e Longo.
Anquela dirixiu un exercicio táctico baseado nun partido 11 contra 11, con constantes instrucións a cargo do técnico deportivista aos seus xogadores.
Os fabrilistas Mujaid, David Sánchez, Javi Sánchez, Gandoy e Valín adestráronse esta mañá co primeiro equipo.
Mañá venres, o Deportivo regresa a Abegondo para unha sesión matinal que arrancará ás 10:30 horas.
