Cre o técnico deportivista que a vitoria "a tivemos na nosa man, pero non puido ser. Levámonos un punto".
A xuízo de Garitano, no segundo tempo contra o Granada "melloramos, non tanto o primeiro. No segundo fixemos ocasións, tivemos o partido nas mans con 0-1. Fixemos un segundo gol legal, 0-2. Non é a primeira vez que nos pasa. Son un adestrador que nunca fala dos árbitros, pero xa nos toman por parvos. Voáronnos máis dun punto, nin un nin dous, por decisións arbitrais".
Subliña que co 0-2 "o partido estaba pechado. Anúlannos un gol. Outra vez o Deportivo sae prexudicado. Aos equipos que estamos abaixo estas decisións mátannos".
