Hoxe en Depor Sport...<br>Manuel Pablo: "non podemos saír a especular"
Apesar de que foi de forma virtual, Manuel Pablo ensinou a Dépor Sport, o xornal oficial do Deportivo, o camiño para superar ao Real Madrid en Riazor. O xogador canario aceptou o reto deste xornal e demostrou que non só se manexa á perfección no terreo de
Eles chegan moi tocados, pódelles pasar factura?
O Madrid sempre xoga forte e non se pode saír a especular contra eles
porque pódenche facer moito dano. Somos nós os que temos que saír
fortes e tentar achicarlles.
Míchel Salgado non estará e o Madrid non conta cun substituto de garantías
para o vigués. A opción máis real é a de Raúl Bravo, un lateral esquerdo en banda
dereita, vaia lea...
A maioría das veces os destros adáptanse mellor a xogar na esquerda,
aínda que non hai moitos laterais dereitos que xoguen pola zurda. Eu xoguei
na esquerda e parece que nos adaptamos mellor que os zurdos á banda
contraria. É máis, agora mesmo non lembro ningún. Os zurdos adoitan ser máis
pechados que os dereitos. Adoitámonos mellor a darlle coa esquerda.
Pode ser este partido un punto de inflexión para saber o rumbo que tomará o
Depor?
Si, sabemos que despois de perder en Sevilla, o refacho que tiñamos quedouse
unha pouco parada. Se queremos arrincar sería un gran partido. Seguen
sendo tres puntos, pero o partido co Betis deixounos un pouco tocados
porque viñamos con moita moral e o do Madrid vénnos moi ben porque
xogamos en casa e ante a nosa afección e esperamos facelo ben.
Pero este ano xogar en casa non lles está saíndo do todo ben, non?
En casa non se nos están dando ben os resultados, pero tamén perdemos
fóra. O equipo tenta xogar mellor en casa e os contrarios déixanche mover máis
a pelota. Hai que atopar solucións.
Como se lle xoga ao Madrid?
Saíndo fortes desde o inicio, non decaendo no esforzo e tentando estar
acertados porque, queiras ou non, eles seguro que van ter as súas ocasións
porque contan con moita calidade e sempre van ter algunha. Hai que estar moi
encima e debemos aproveitar as nosas ocasións e ter un gran acerto.
Algo axudará que o Madrid non gañase na Coruña desde hai 12 anos. Que
lle di ese dato?
Dime que Riazor é un campo moi difícil para eles, pero tamén o era para
moitos equipos e este ano non o está sendo. É un dato e algúns rompen.
Tamén levabamos moito tempo sen perder no campo do Betis e o
domingo pasado perdemos.
Vostede pode aproveitar as subidas por banda de Roberto Carlos. O traballo do
brasileiro é máis un problema que unha axuda para o Madrid?
É unha arma de dobre fío; pero cando está ben axuda moito. Cando sobe, a
maioría das veces pon balóns de gol.
A que xogador do Madrid haberá que seguir máis de preto?
Todos. De medio campo para diante calquera che pode resolver un partido. Non
podes centrarche só en vixiar a un xogador, hai que facelo sobre todos; é
un traballo de conxunto. Temos que tentar sacar a pelota o máis rápido
posible. O bo é que os defensas teñamos o balón o menor tempo posible
e estea no medio campo.
Que lle faltou ao equipo no campo do Betis para conseguir un resultado
positivo?
Un pouco de todo. Non xogamos mal, pero faltounos faísca. Non estivemos como noutros
encontros, aínda que o Betis non foi moi superior a nós. O primeiro gol
non deixou un pouco tocados. Empezaron moi fortes, pero aos poucos, fómonos
quitando a presión e, talvez, cando menos perigo estaban a facer chegou o
gol e foi un pau para o equipo. Tentámolo na segunda parte con todas
as nosas forzas, pero co segundo tanto se nos fixo un pouco costa arriba.
Que lle suxire a competición da Intertoto?
É unha competición que permite entrar en Europa por outra vía e que che quita
vacacións. Está claro que imos facer todo o posible para chegar a Europa
sen ter que recorrer a ela. Cando se vai a unha competición como esta faise
un traballo diferente en pretemporada e podes chegar canso á campaña.