Javier Sanmartín Miramontes (Ferrol, 19 de maio de 1999) converteuse esta mañá en novo xogador do Fabril para a próxima temporada.
Sanmartín deu os seus primeiros pasos no fútbol nas categorías inferiores do Racing Club de Ferrol. A súa primeira etapa no equipo departamental finalizou en idade cadete. En xuvenís, o centrocampista ferrolán pasou a formar parte do RC Celta durante dúas temporadas e media, como paso previo a enfundarse de novo a camiseta do conxunto verde, onde conseguiría dous importantes ascensos: a División de Honra Xuvenil na temporada 2017-2018 e, a posteriori, xa co primeiro equipo, a Segunda B durante o curso 2018-2019.
Habitual nas diferentes Seleccións Galegas durante o seu proceso formativo, Sanmartín estreouse na categoría de bronce do fútbol español esta última campaña, participando en 10 partidos de liga regular co Racing Club de Ferrol, ademais de en un encontro de Copa do Rei.
