Manu Sánchez citou ao acabar o adestramento desta tarde a 18 futbolistas, que mañá sábado 25 de xaneiro pola mañá viaxarán a Santa Cruz de Tenerife para visitar ao UD Granadilla Tenerife Egatesa, en partido correspondente á 18ª xornada na Primera Iberdrola previsto para o domingo 26 de xaneiro (18:30 hora peninsular, 17:30 hora local, Gol) no campo de La Palmera (San Isidro).
Queda fóra de maneira forzosa a internacional venezolana Michelle Romero, cunha escordadura no seu nocello dereito.
Na illa canaria, o conxunto branquiazul terá un último adestramento previo ao partido mañá sábado 25 ás 17:30 hora local (18:30 na península) no campo de fútbol La Salud (Santa Cruz de Tenerife).
O plan de viaxe do conxunto branquiazul é o seguinte:
Sábado 25 de xaneiro
11:35: Saída do voo do Aeroporto da Coruña con destino ao Aeroporto de Tenerife Norte
13:30 (hora local aproximada, 14:30 peninsular): Chegada ao Aeroporto de Tenerife e aloxamento no Hotel NH Tenerife
17:30 (hora local, 18:30 hora peninsular): Adestramento no campo de fútbol La Salud (Santa Cruz de Tenerife)
Domingo 26 de xaneiro
18:30 (hora peninsular, 17:30 hora local): UD Granadilla Tenerife Egatesa - Deportivo ABANCA, no campo de La Palmera (San Isidro)
Luns 27 de xaneiro
11:10 (hora local, 12:10 na península): Saída do voo do Aeroporto de Tenerife Norte con destino ao Aeroporto de Madrid - Adolfo Suárez
15:45: Saída do voo do Aeroporto de Madrid - Adolfo Suárez con destino ao Aeroporto da Coruña
17:05 (horario aproximado): Chegada ao Aeroporto da Coruña
Concluído o choque ante as tinerfeñas, o cadro regresa aos adestramentos o mércores 29 de xaneiro ás 17:00 en Abegondo.
