O Deportivo ABANCA, colíder da Primeira Iberdrola, recibe a visita do UD Granadilla Tenerife a Abegondo, mañá domingo 22 de setembro ás 12:00 horas.
Ambos os equipos coñécense ben, posto que se enfrontaron este verán con motivo do VII Trofeo Teresa Herrera feminino disputado no Estadio ABANCA-RIAZOR, partido que se saldou con triunfo tinerfeño.
Precisamente Manu Sánchez, en rolda de prensa o pasado mércores, asegura que o equipo non necesita motivación e apelará ao orgullo das xogadoras branquiazuis en alusión á derrota sufrida en agosto.
O técnico deportivista citou a 18 futbolistas. Causan baixa de maneira obrigatoria por lesión Yamamoto e Érika.
Para o partido, o Club pon a disposición dos afeccionados e dos socios que queiran ir acompañados 400 entradas: 200 para público en xeral a 10 euros e 200 para acompañantes de socio a 5 euros. Os socios do Deportivo poden acceder libremente ao partido ensinando o seu carné da temporada, até completar capacidade.
As entradas estarán dispoñibles mañá domingo, día do partido, desde as 11:00 horas nos despachos de billetes da propia Cidade Deportiva.
Os resultados do Dépor ABANCA até a data son os seguintes:
Deportivo ABANCA 3 (Alba Merino -2- e Peke) - RCD Espanyol 1
Real Betis Féminas 3 - Deportivo ABANCA 4 (Peke -2- e Gaby -2-)
