Os deportivistas Luque e Capdevila, precisamente dous dos destacados no último partido de Liga en Riazor ante o Atlético de Madrid, recibirán o vindeiro mércores na sede do Comité Olímpico, sita en Madrid, ás 13.30, a Orde Olímpica.
Luque e Capdevila participaron nos últimos Xogos Olímpicos de Sidney, na que España logrou a medalla de prata.
08/06/2007 14:11 |
Aouate e Capdevila incorporáronse aos adestramentos
Os internacionais Aouate e Joan Capdevila foron os últimos internacionais en incorporarse aos adestramentos do Deportivo. Falta unicamente De Guzman, concentrado con Canadá na Golden Cup que se disputa en Miami, e na que sobresaíu como goleador, ao anotar dúas dianas fronte a unha selección mundialista como o foi Costa Rica.
25/05/2007 20:00 |
Capdevila entra na lista de Aragonés
Joan Capdevila converteuse nun dos homes fixos para Luís Aragonés. O lateral deportivista entrou na convocatoria para os partidos clasificatorios para a Eurocopa 2008 ante Letonia (sábado 2 de xuño) e ante Liechtenstein (mércores 6 de xuño). Curiosamente, Lopo, cuxa solicitude de internacionalidad reclama cada vez máis xente, é o único integrante da parte defensiva do equipo máis utilizada ao longo da tempada por Caparrós que non está citado para a súa Selección. Si o está a meta Aouate (Israel), e os defensas Coloccini (Arxentina), Andrade (Portugal) e Capdevila (España). A maiores, para este mes de xuño recibiron convocatorias internacionais Estoyanoff (Uruguai), De Guzman (Canadá), Adrián (Selección Española Sub-19) e Bodipo (Guinea Ecuatorial). Pola súa banda, Barragán e Fabricio están na preconvocatoria para disputar o Campionato do Mundo Sub-20.
17/05/2007 00:25 |
Competición comunica que deixa sen efecto as amarelas mostradas por "conduta antideportiva"
Entre os sancionados cun partido por acumulación de amoestacións non figura o deportivista Joan Capdevila, que recibiu dous cartóns amarelos en San Mamés e tería que ver na bancada o Dépor-Sevilla deste domingo.
