Manuel Sánchez García (A Coruña, 29 de outubro de 1978) e o Real Club Deportivo chegaron a un acordo para a ampliación do seu contrato como adestrador do Deportivo ABANCA por tres campañas máis, até a conclusión do curso 2022-2023.
Manu Sánchez dirixe ao Deportivo ABANCA desde a súa creación ao comezo da Temporada 2016-2017. O técnico coruñés acumula 163 encontros nas súas 4 campañas no banco branquiazul, 105 de carácter oficial e 58 amigables. A lista de encontros oficiais divídese en 21 en Primeira Iberdrola, 78 en Segunda División Nacional, 2 en Copa da Raíña e 4 en playoff de ascenso a Primeira Iberdrola.
Os principais éxitos de Manu Sánchez como técnico deportivista son o título do Grupo 1 de Segunda División Nacional e o posterior ascenso a Primeira Iberdrola na Temporada 2018-2019, e a cuarta posición na estrea do equipo na máxima categoría, trala suspensión da mesma debido á pandemia do Covid-19.
