- Foto: sefutbol.com -
A xogadora do Deportivo ABANCA María Méndez estivo concentrada en Reikiavik (Islandia) coa selección española sub-19 no Minitorneo de clasificación para o Campionato de Europa da categoría.
Con dous 2 triunfos nas 2 primeiras xornadas, o último partido deste torneo para España e María Méndez foi hoxe martes 8 ante as anfitrioas, as islandesas.
Venceu España (0-3), coa defensora deportivista sobre o céspede todo o partido.
Con este resultado, as hispanas acaban este Minitorneo de clasificación para o Campionato de Europa na primeira praza.
Kazajistán foi o mércores 2 de outubro o primeiro rival das españolas. María Méndez foi titular e xogou completo un partido no que o resultado a favor das hispanas dio todo: 14-0.
A segunda cita para España foi o pasado sábado 5 de outubro ante Grecia. Neste caso, a futbolista branquiazul seguiu desde o banco un choque que acabou con claro triunfo hispano: 5-0.
Os resultados da selección foron os seguintes:
Mércores 2 de outubro
ESPAÑA 14 - KAZAJISTÁN 0
Sábado 5 de outubro
ESPAÑA 5 - GRECIA 0
Martes 8 de outubro
ISLANDIA 0 - ESPAÑA 3
Finalizada esta competición, María Méndez ten previsto chegar hoxe mércores á Coruña e mañá xoves adestrarse co Deportivo ABANCA, que prepara desde o luns a visita do Rayo Vallecano a Abegondo, este sábado 12 de outubro (18:00 horas), na 5ª xornada da Primera Iberdrola.
