RCD / NOVAS

Mauro: O Barça non é Ronaldinho e dez máis

Mauro Silva compareceu esta mañá na sala de prensa de 'O Mundo do Fútbol'. O brasileiro cre que o Barcelona "non é só Ronaldinho e dez máis. En ningún equipo do mundo pasa iso. O que ocorre é que é un gran xogador, pero ten detrás un bo traballo de todos". Mauro define ao fútbol como un estado de ánimo, "e por iso o Barça está nun bo momento". Un dos capitáns deportivistas lembra que o equipo catalán tivo que xogar Copa da UEFA o pasado xoves, 24 horas despois do Deportivo, e ademais realizou unha viaxe longa ata Dinamarca. "Podería pasarlles factura ao longo do partido", estima Mauro Silva.

28/02/2004 14:19


Así mesmo, Luque, tamén na sala de prensa de 'O Mundo do Fútbol', asegura que o partido é especial, debido ao seu pasado blaugrana: "Formeime como futbolista neste equipo e por iso é especial". O dianteiro deportivista, que se mostra feliz na Coruña, indicou que se nalgún momento ten que deixar o Dépor, faríao para xogar só no Barcelona. "O presidente Lendoiro apostou moi forte por min e eu non podo defraudarlle", indicou.

Máis novas de: MAURO SILVA