RCD / NOVAS

Mollejo: "Só todos xuntos imos saír adiante"

21/11/2019 20:30

Víctor Mollejo manifestou esta mañá na sala de prensa de Abegondo que "no vestiario estamos convencidos que isto vai ir a mellor. Xuntos, apoiándonos uns aos outros, non recriminándonos nada, é a fórmula para saír adiante".

Subliña que "é un momento moi duro para o deportivismo. Pero só todos xuntos imos saír adiante. Se cada un imos ao noso rolo, non o digo pola afección, tamén nós os xogadores, é moi difícil saír desta situación. É un momento para estar xuntos, deixar as nosas diferenzas de lado e tirar para adiante. Seguro que o deportivismo e todos sairemos adiante".

O atacante deportivista admite que "fai falta reaccionar. Hai momentos nos que un ten que darse conta da situación. Canto antes deámonos conta da situación real, sairemos adiante. Estar xuntos e todo irá mellor".

Tamén opina que pode existir un bloqueo mental porque "son cousas que pasan nestas situacións. Aos poucos imos collendo máis conceptos que quere o míster. Oxalá ese bloqueo desapareza".

Explica Mollejo que de cara á cita deste sábado 23 de novembro en ABANCA-RIAZOR ante o AD Alcorcón (18:00 horas, Movistar LaLiga), "temos que cambiar aspectos porque está claro que non funcionan para lograr a vitoria. Oxalá que o que nos está dicindo o míster salga ben".

Subliña que cunha vitoria esta fin de semana "vanse todos os males. Non arranxas nada, segues aí abaixo. Pero é verdade que eses 3 puntos necesarios para a nosa mentalidade son moi importantes".

Preguntado polo perigo do AD Alcorcón, un equipo que aínda non coñece a derrota lonxe do seu campo, recalca que "a sensación é que calquera rival agora pódenos facer dano. Ningún rival é fácil, estamos aí abaixo. Agora mesmo coma se vén o líder. Imos saír coas mesmas ganas de gañar. Dá igual que sexa o Alcorcón ou quen sexa. Imos saír con todo".

A nivel persoal, aínda que lembra que o posto de dianteiro "é a miña posición, onde crea o míster que vou render mellor, aí tentarei dar todo", apunta.

Precisamente un cambio de debuxo veo positivo "se o míster considera que pode ser a clave para conseguir unha vitoria". "Se o míster veo necesario, imos ao 1.000 por 1.000 co que o míster decida. Se decide cambiar de formación, tentarémolo facer", engade.

En canto ao ambiente que rodea ao equipo, Mollejo, do mesmo xeito que manifestaron estes días compañeiros seus como Salva Ruiz ou Eneko Bóveda, tenta manterse á marxe: "Céntrome no que pasa dentro do campo. Se dentro do campo vai ben, todo o demais de fóra irá ben. Tento centrarme no día a día en adestrar, en mellorar, en seguir coñecéndonos como grupo, coñecendo aos compañeiros. Iso será bo para o equipo e para o de fóra".

Entende ademais o malestar e as protestas dos afeccionados, porque "son cousas que pasan en clubs tan grandes como o Deportivo. Moita xente segue ao Deportivo. Moita xente faise eco da situación. É evidente que hai malestar na cidade, en Galicia e en toda España. Son de Madrid e chéganme mensaxes desde Madrid preguntándome pola situación. O Dépor ten esa influencia en todo o mundo, é un club moi grande. É normal que a xente estea preocupada".

Máis novas de: MOLLEJO