Natxo González manifestou na sala de prensa de ABANCA-RIAZOR que "foi unha boa vitoria ante un gran rival. Por tanto, voume satisfeito".
O técnico deportivista, nun encontro no que o Oviedo se apropiou do balón, resaltou que o equipo "trata de dominar o maior número de rexistros posibles, cando o partido está equilibrado, cando o contrario fai ben as cousas e contrarréstache. O que nos dá esta estrutura é o poder correr. Así está ideado e temos xogadores para iso. E hoxe foi un bo exemplo. Vainos ben gañar un partido así correndo para reafirmar o que vimos plasmando desde o primeiro día: tamén temos que ser un equipo que cando recupera o balón, ese primeiro pase é fundamental. Como sexamos capaces de dar ese primeiro pase ben, logo temos espazo para correr e xente rápida".
Iso si, advertiu Natxo que "sempre hai letra pequena nos partidos. Preocupado voume sempre. Hoxe no xogo posicional non estivemos ben. No rendemento individual non estivemos ben. Pero se queremos estar onde queremos estar vai haber partidos destes. Temos que xogar a outra cousa. E outra cousa é correr, se eles están a ter o balón mellor que nós".
Sobre os 4 goles, lembrou o adestrador branquiazul que "hai un traballo por detrás. As cousas non saen por casualidade. Foi importante o primeiro gol. Unha vez máis a balón parado. E iso permitiunos que eles teñan que envorcarse un pouquiño máis".
Pola súa banda, Juan Antonio Anquela, técnico oviedista, cre que o resultado é "abultadísimo para os merecementos dun equipo e outro. En moitas fases do partido xogamos moi ben, fixemos as cousas con criterio. Non aproveitamos as que tivemos. E á primeira puxémonos perdendo. Sabiamos que na segunda parte íannos a coller á contra. Arriscamos, tentamos facer as cousas máis arriba, pero o rival non perdoou. Cada vez que chegou meteu. Esa é a lectura do partido".
Insiste o adestrador do conxunto carbayón que o Deportivo "foi infinitamente mellor que nós na área de ataque. O demais, o partido estivo moito máis igualado que o que di o resultado".
