As xogadoras do Deportivo ABANCA Noelia Bermúdez e Stephannie Blanco están concentradas coa selección de Costa Rica até o mércores 24 deste mes de febreiro.
O combinado 'tico' disputará dous partidos amigables ante México no Centro de Alto Rendemento de Cidade de México o sábado 20 e o martes 23 de febreiro. En ambos os casos, os encontros arrancarán ás 13:00 (hora local, 20:00 horas en España).
Tanto Stephannie como Noelia Bermúdez non se perderán ningún partido co Deportivo ABANCA posto que a fin de semana do 20 e 21 de febreiro non hai xornada na Primera Iberdrola.
A seguinte cita para o equipo de Manu Sánchez será o domingo 28 ante o Rayo Vallecano en Vallecas, en partido aprazado no seu día e correspondente á 7ª xornada.
