O Colexio San Francisco Xabier da Coruña acolleu esta mañá unha nova edición da actividade 'Os Nosos Valores', promovida polo Real Club Deportivo e na que se deron cita os 500 nenos e nenas que forman, xunto aos docentes, a comunidade escolar do centro.
Lux, Borges, Carles Gil, Estefi, Cris e Perdi percorreron o centro educativo, compartindo uns minutos con todos os alumnos e profesores, acompañados por Enrique Calvete, conselleiro da área Económica-Financeira e Gelines Romero, directora da área Social do Club.
Os alumnos despediron aos representantes do RC Deportivo no patio do colexio coa sintonía do 'Rock do Deportivo'.
O Club arrincou esta iniciativa lúdico-educativa a pasada Temporada, e este ano xa se pasou polo I.E.S. Viós de Abegondo, a escasos metros da cidade deportiva, e o Colexio Dominicos.
