O Dépor ABANCA arranca a semana esta tarde xa coas internacionais españolas no grupo
O Deportivo ABANCA comeza esta tarde a preparar a seguinte cita ligueira, a visita do EDF Logroño á Cidade Deportiva, prevista para o domingo 17 de novembro ás 16:00 horas (Gol), en partido correspondente á 9ª xornada na Primeira Iberdrola.
Após unha merecida fin de semana de descanso para o cadro, Manu Sánchez poderá contar tamén coas 5 internacionais españolas que a semana pasada estiveron concentradas coa selección absoluta promesas e a sub-20: Misa, Noelia Villegas, Teresa Abelleira, María Méndez e Athenea del Castillo.
Faltarán estes primeiros días da semana unicamente as 3 xogadoras venezolanas, concentradas coa súa selección no Hotel Mancini Park de Roma até mañá martes 12 de novembro: Kika, Gaby e Michelle Romero.
O adestrador deportivista dispuxo 6 sesións de adestramento en Abegondo, segundo esta planificación, sempre susceptible de sufrir variación por razóns técnicas:
Luns 11 de novembro 16:00: Adestramento en Abegondo
Martes 12 de novembro 17:00: Adestramento en Abegondo
Mércores 13 de novembro 17:00: Adestramento en Abegondo
Xoves 14 de novembro 17:00: Adestramento en Abegondo
Venres 15 de novembro 17:00: Adestramento en Abegondo
Sábado 16 de novembro 10:30: Adestramento en Abegondo
Domingo 17 de novembro 16:00: Deportivo ABANCA - EDF Logroño, en Abegondo