O Dépor ABANCA B tumba ao Sárdoma CF antes de disputar mañá o Trofeo Teresa Herrera
O Dépor ABANCA B fixo os deberes na liga, no subgrupo A do grupo 1º de Primeira Nacional, ao dobregar (4-2) en Abegondo ao Sárdoma CF, en partido correspondente á 8ª xornada.
As deportivistas tiveron que traballar de abondo nun encontro que se decidiu no tramo final cos goles de Nuria Torres, María Calvo, Aroa Guerra e unha futbolista rival en propia meta.
Con este resultado, o conxunto que prepara Kevin Cabado suma 16 puntos na zona alta da táboa.
Deportivo ABANCA B: Nuria Gómez, Sara Álvarez, Paula Novo, Rivas, Lara, Nuria Torres, María Figueroa, Tati, Eva Dios, Carlota e María Calvo. Tamén xogaron: Navia, Marta Rico, Aroa Guerra, Andrea Ansede e Marta Méndez.
Agora, as deportivistas encaran cun sorriso a súa histórica participación no Trofeo Teresa Herrera, que este ano cumpre a súa VIII edición, mañá domingo 20 de decembro en ABANCA-RIAZOR (16:30) ante o Victoria CF.
Ambos os equipos veranse de novo as caras o 10 de xaneiro de 2021, no primeiro partido ligueiro do novo ano.
Os resultados do Dépor ABANCA B en liga son os seguintes:
Deportivo ABANCA B 9 (Aroa -4-, Eva Dios -2-, María Calvo -2- e Navia) - Umia CF 0 Viajes InterRías FF 3 - Deportivo ABANCA B 1 (Nuria Torres) Deportivo ABANCA B 3 (María Calvo, Carlota e unha futbolista rival en propia meta) - Victoria FC 1 UD Mos 1 - Deportivo ABANCA B 1 (Tati) Deportivo ABANCA B 15 (Lucía -4-, Eva Dios -3-, Andrea Ansede -3-, Marta Rico -2-, Carlota, Lara e Patri López) - CD Valladares 0 Atlético Arousana 1 - Deportivo ABANCA B 2 (Eva Dios e Nuria Torres) Deportivo ABANCA B 4 (Nuria Torres, María Calvo, Aroa Guerra e unha futbolista rival en propia meta) - Sárdoma CF 2