O Deportivo ABANCA coñecerá mañá venres 15 de outubro a partir das 13:00 horas o seu rival na segunda eliminatoria de Copa de SM a Raíña, segundo o sorteo que se realizará na Ciudad del Fútbol de Las Rozas (Madrid), sede da RFEF. Do mesmo xeito que a primeira eliminatoria, será a partido único o 10 ou 11 de novembro.
O sorteo emparellará aos equipos de inferior categoría cos de maior categoría que superasen a primeira eliminatoria. Cando non se poida dar o caso enfrontaranse entre si os de maior categoría.
No caso de que o emparellamento sexa entre clubs de maior e menor categoría, o partido xogarase no campo do equipo pertencente a unha división menor, sempre que se cumpran os requisitos mínimos establecidos pola RFEF.
En caso de dous equipos da mesma categoría, o encontro celebrarase no campo dos clubs cuxa bóla fose extraída en primeiro lugar.
Os posibles rivais do Deportivo ABANCA son os seguintes: Córdoba CF, SE AEM, CD Juan Grande Ginelux, Zaragoza CFF, Granada CF, Alhama CF, Peluquería Mixta Friol, Cacereño Femenino, CD Santa Teresa, Málaga CF, RCD Espanyol, CDE Racing Féminas, CDEF Logroño, FF La Solana e Real Oviedo Femenino.
Na primeira eliminatoria, disputada o pasado mércores 6 de outubro, o Dépor ABANCA eliminou ao Pozuelo CF (1-9), con goles de Paula Gutiérrez -2-, Carlota, Inés Altamira, Adule, María Ruiz -2-, Aroa Guerra e Ainhoa Marín.
