O Deportivo ABANCA retoma a competición ligueira ante o CPM Friol CD Lugo, este domingo 13 de xaneiro ás 16:00 no campo de fútbol da Reigosa (Friol), en partido correspondente á 14ª xornada no grupo 1º de Segunda División Nacional.
O equipo branquiazul saltará ao céspede sen ningún tipo de confianzas, posto que as lucenses foron as únicas que foron capaces de frear ás deportivistas no partido da primeira volta disputado en Abegondo.
Manu Sánchez, técnico deportivista, dispuxo de catro adestramentos esta semana, segundo esta planificación:
Martes 8 de xaneiro
20:30: Adestramento en Abegondo
Mércores 9 de xaneiro
20:00: Adestramento en Abegondo
Xoves 10 de xaneiro
20:30: Adestramento en Abegondo
Venres 11 de xaneiro
19:00: Adestramento en Abegondo
Domingo 13 de xaneiro
16:00: CPM Friol CD Lugo - Deportivo ABANCA, na Reigosa
O Deportivo ABANCA avantaxa en 3 puntos ao Real Oviedo: 37 puntos as deportivistas por 34 puntos as asturianas. Ademais, co 1-3 último favorable ás branquiazuis da última xornada de 2018, se a traxectoria ligueira non se torce para ambas, obrigaría ás ovetenses a facer unha heroicidade en Abegondo no partido da segunda volta para darlle a volta ao golaverage particular, que decidiría en caso de empate a puntos.
