O Dépor aumenta a carga e pasa de 5 a 9 sesións de traballo semanais
O Deportivo imprime unha marcha máis á pretemporada a pouco máis dun mes do inicio da competición.
O corpo técnico branquiazul dispuxo dunha semana na Cidade Deportiva na que haberá 3 días con dobre quenda de traballo e ademais un adestramento o sábado 19 de setembro. Así pois, o cadro pasa das 5 sesións das últimas semanas a un total de 9.
A progresiva chegada dos reforzos fai que Fernando Vázquez comece xa a realizar tarefas tácticas de cara a construír o novo Dépor 20•21.
A planificación semanal, sempre susceptible de sufrir variación por razóns técnicas, é a seguinte: