O Deportivo comezou esta mañá ás 11:00 en Abegondo a preparar a visita do Athletic Club B a ABANCA-RIAZOR prevista para este domingo 28 de novembro ás 17:00 horas (Footters), correspondente á 14ª xornada no grupo 1º de Primera RFEF.
Todo o cadro adestrouse sobre o céspede e, a día de hoxe, todos os futbolistas estarían aptos para competir o domingo desde o punto de vista médico. Noel, Trilli, Yeremay, Alberto e Iano Simão foron hoxe os representantes de #ANOSACANTEIRA no primeiro equipo.
A xornada arrancou na sala de vídeo como é habitual ao comezo de cada semana de traballo. Xa sobre o céspede, após un quecemento, os futbolistas, divididos en tres grupos, completaron un circuíto de forza, outro de finalizacións e un terceiro exercicio de fútbol reducido. Para concluír, Borja Jiménez dispuxo partidos en campo pequeno, tamén de alta intensidade.
Mañá xoves 25 de novembro, o Dépor adestrarase de novo ás 11:00 na Cidade Deportiva, con almorzo previo nas instalacións branquiazuis a partir das 9:00 horas.
