O Dépor desprázase a Lugo este mediodía con 19 futbolistas
José Luis Martí citou esta mañá a 19 futbolistas para o choque desta tarde no Anxo Carro ante o CD Lugo (20:00 horas, LaLiga 1|2|3 TV).
Quedou fóra da convocatoria de maneira obrigatoria Krohn-Dehli, en proceso de readaptación física.
O cadro deportivista reuniuse ás 9:30 para almorzar en Abegondo. A continuación, após unha breve sesión de vídeo, os futbolistas saltaron ao campo 3 para realizar uns rondos, co obxectivo de activar as pernas de cara ao partido.
O Dépor desprázase acto seguido a Lugo, segundo esta folla de ruta:
Domingo 19 de maio 10:30: Adestramento en Abegondo 12:00: Saída da Cidade Deportiva con destino Lugo 13:00: Chegada e aloxamento no Eurostars Gran Hotel de Lugo 20:00: CD Lugo - Deportivo, no Anxo Carro Ao finalizar traslado a Coruña
Tralo partido ante o CD Lugo, José Luis Martí citou de novo aos xogadores branquiazuis na Cidade Deportiva o mércores 22 de maio ás 11:00 horas en Abegondo.