Como é habitual dous días antes de cada partido, o Deportivo rebaixou esta mañá a intensidade do adestramento en Abegondo.
Así pois, após un quecemento e uns rondos, Cristóbal Parralo dispuxo dun traballo de finalizacións e, para concluír, un partido táctico once contra once.
Adestráronse co primeiro equipo os fabrilistas Edu Expósito, Óscar, One e Blas; ademais do meta canteirán Ramón.
Mañá venres 22, o cadro está citado no Estadio ABANCA-RIAZOR para unha sesión a porta pechada que arrancará ás 11:00 horas. Será a última antes de #ONOSODERBI deste sábado 23 de decembro (18:30 horas, Gol TV).
