O Deportivo retomará mañá venres 25 de setembro os adestramentos despois de parar a actividade onte mércores e hoxe xoves após detectarse o positivo por COVID-19 dun dos seus futbolistas.
O xogador, asintomático, permanece illado tal e como establece o protocolo da Consellería de Sanidade da Xunta de Galicia; e en permanente contacto cos Servizos Médicos do Club.
Todos os demais futbolistas, técnicos e persoal sometéronse a novas probas onte pola mañá, resultando negativas.
Mañá venres 25 de setembro haberá dobre quenda na Cidade Deportiva: 10:00 e 18:00 horas.
O sábado 26, o conxunto de Fernando Vázquez disputará o seu primeiro amigable de pretemporada. Será ás 11:30 no campo da Magdalena de Vilalba ante o Racing Villalbés, conxunto que milita no subgrupo A de Terceira División.
