O DéporCampus Cabreiroá de Ordes volve ás súas datas e formato inicial de tres xornadas de adestramento na Semana Santa de 2021, durante os días 29, 30 e 31 de Marzo. A actividade estará destinada aos nenos e nenas entre os 6 e os 14 anos, con cotas de inscrición que oscilan entre os 65 e os 75 euros.
O acto de presentación tivo lugar no Concello de Ordes onte xoves 11 de marzo, coa presenza de Gaspar Suárez Rodríguez (directivo da SD Órdenes), Antonio Vázquez Rendal (presidente da SD Órdenes), Jose Luis Martínez Sanjurjo (alcalde de Ordes), Ana Soneira Liñares (concelleira de deportes) e Pablo Barros (coordinador de actividades formativas da Fundación RC Deportivo).
As inscricións xa se atopan abertas en deporcampus.rcdeportivo.es/gl e para calquera dúbida ou consulta os interesados poden escribir á dirección de correo electrónico deporcampus@rcdeportivo.es.
