O Deportivo ABANCA comeza mañá martes a pretemporada con probas médicas no Centro QuirónSalud A Coruña
O Deportivo ABANCA arranca mañá martes 27 de xullo a pretemporada ás 8:30 horas con probas médicas a todas as futbolistas no Centro QuirónSalud de ABANCA-RIAZOR. Nestas probas, rutineiras cada verán, únense nesta ocasión as correspondentes ao COVID-19.
Nos próximos días, o Club dará a coñecer a planificación da primeira semana de adestramentos.
Están citadas mañá martes no Centro Médico QuirónSalud de ABANCA-RIAZOR as seguintes futbolistas:
-Porteiras: Ana Valles e María Sampalo
-Defensas: Cris, Patri López, Andrea Sierra, Inés Altamira, Goretti Neira, Raquel García e María Figueroa
-Centrocampistas: Alba Merino, Eva Dios, Paula Gutiérrez, Alejandra Serrano, Paula Monteagudo, Carlota e Jone Ibáñez
-Dianteiras: Ainhoa Marín, Laura Fernández, Tati, Noela, Aroa Guerra e María Ruiz
O Deportivo ABANCA comezará a temporada en Reto Iberdrola ou Segunda División RFEF a fin de semana do 4 e 5 de setembro en Abegondo ante o FC Barcelona B.