O Deportivo Abanca retoma a competición ligueira con visíta, mañá domingo 12 de marzo ás 12:00, ao Xixón FF nos campos federativos de Roces. O partido corresponde á xornada 21 no grupo 1º de Segunda División Nacional.
Manu Sánchez, técnico deportivista, citou a estas xogadoras: Anita, Ameneiros, Eva, Cris, Carmela, Elvira, Noe, Miriam, Tere, Gabi, Nuria, Kika, Lía, María Corral, Miga e Patri.
O Deportivo Abanca está a só 5 puntos de distancia do líder Oviedo Moderno: 52 puntos teñen as ovetenses por 47 as deportivistas.
Tere Abelleira e Nuria Rábano, á Selección Española este próximo luns
O Deportivo Abanca achega dúas xogadoras ás categorías inferiores da Selección Española: Tere Abelleira e Nuria Rábano. Ambas foron citadas para uns adestramentos na Cidade do Fútbol de Las Rozas (Madrid) do luns 13 ao mércores 15 de marzo.
Tere foi convocada pola Sub-17 e Nuria Rábano pola Sub-19. As dúas xogadoras son habituais no once inicial do Deportivo Abanca esta temporada e, sen dúbida, dúas das grandes promesas do fútbol feminino español.
