O Deportivo ABANCA, sen Teresa Abelleira, recibe mañá domingo ás 12:00 ao CF Vimenor
O Deportivo ABANCA regresa esta semana á competición ligueira, posto que mañá domingo 29 de outubro (12:00 horas), o equipo branquiazul recibe en Ponte dos Brozos (Arteixo) ao CF Vimenor.
O choque pertence á 7ª xornada no grupo 1º de Segunda División Nacional.
Os socios deportivistas teñen libre acceso ao recinto arteixán. Para o público, a entrada sénior costa 10 euros e 3 euros para os menores de 16 anos.
Manu Sánchez, técnico do Deportivo ABANCA, citou a estas xogadoras: Anita, Sheila, Miga, Nuria Rábano, Kika, Gaby, Jone, Peke, Oreiro, Laura, Silvia Mérida, María Corral, Cris, Lía, Iris e Estefi.
Será baixa Teresa Abelleira, concentrada coa Selección Española Sub-19 en Albania, no Torneo de Clasificación para o Campionato de Europa.
O Deportivo ABANCA é líder con 18 puntos de 18 posibles, igualado a puntos co Oviedo Moderno, que ten peor diferencia de goles: +32 as deportivistas por +27 as ovetenses.