O Dépor visitará ao Córdoba o sábado 20 de outubro ás 20:00 horas
LaLiga fixo públicos os horarios da 9ª e 10ª xornada de LaLiga 1|2|3.
Na 9ª xornada, o Deportivo recibe no Estadio ABANCA-RIAZOR ao Elche CF. O encontro disputarase o venres 12 de outubro, xornada festiva en todo o país ao celebrarse o Día da Hispanidade, ás 21:00 horas, retransmitido en directo e en aberto por Gol.
O Deportivo visitará o Nuevo Arcángel de Córdoba na 10ª xornada. O partido comezará ás 20:00 horas do sábado 20 de outubro e poderá seguirse por LaLiga 1|2|3 TV.