O Deportivo arrancou esta mañá en Abegondo unha semana de traballo sen fútbol de competición, posto que o próximo partido no subgrupo A do grupo 1º de Segunda División B será a fin de semana do 6 e 7 de marzo en ABANCA-RIAZOR ante o Pontevedra CF.
Rubén de la Barrera puido contar hoxe no céspede con todo o seu cadro excepto Miku e Derik, os dous con adestramento específico. O meta xuvenil Adrián exercitouse hoxe co primeiro equipo á beira de Carlos Abad e Lucho.
O técnico deportivista dispuxo, após un quecemento, un xogo de posesión, fútbol con porterías pequenas e, para concluír, un partido a metade do campo 3.
Mañá mércores 24 de febreiro, o equipo saltará ao céspede a partir das 11:00 en Abegondo.
