O Deportivo rebaixou esta mañá a intensidade do adestramento, como é habitual dous días antes de cada partido.
Así, tras un quecemento e uns rondos, Pepe Mel incidiu, no transcurso dun partido a metade de campo, en accións a balón parado (saques de esquina e lanzamentos de falta laterais).
Adestráronse co primeiro equipo os fabrilistas Edu, Monsalve e Lucas.
Mañá sábado 13 de maio, o equipo regresa a Riazor, nunha sesión a porta pechada que arranca ás 10:30 horas.
Ao finalizar o adestramento, Pepe Mel fará pública a lista de xogadores convocados para o partido deste domingo 14 de maio en Vilarreal (20:00, Estadio de la Cerámica, Bein Sports).