O dianteiro do Fabril Pedro Correia foi citado pola selección portuguesa sub-20 para tres partidos amigables este mes de novembro, todos eles en territorio luso.
Así, Portugal recibe a Polonia o xoves 15 no Estadio Algarve de Faro. Ao día seguinte, venres 16, o combinado luso mídese a Eslovaquia no Estadio Municipal Bela Vista na localidade de Parchal.
A última cita para Pedro co combinado sub-20 luso será tamén ante Eslovaquia, o domingo 18 no Estadio de Portimao.
Por este motivo, o dianteiro canteirán non estará presente na cita desa fin de semana do Fabril, que será en Abegondo ante o Las Palmas Atlético, en día e hora por fixar.
